BINARIL SA ULO? Lalaking nagdiriwang ng kaniyang kaarawan, patay nang barilin sa Maynila

Isang lalaki na nagdiriwang pa naman ng kaniyang ika-26 kaarawan ang nasawi matapos siyang barilin sa Tondo, Maynila.

Sinabi ng barangay na nakatanggap na lamang sila ng mensahe galing sa mga residente tungkol sa pamamaril, kaya agad silang tumawag ng mga pulis.

“Patay na talaga, sir. Ang pagkakaalam ko po, sir, hindi po ako sigurado, is sa likod po (ang tama),” sabi ni Kagawad Avelino Manaog, Barangay 101, Tondo.